電動梳化

Q: 冇 lift、要行樓梯，送唔送到？

送得到。網上價錢已包送貨上門同組裝；要抬樓梯、推路或者送去離島，會按實際情況另收附加費，詳情睇 送貨及額外服務收費。落單前可以 WhatsApp 地址同樓層俾我哋確認。

一掣就挨低、抬腳。大部分款式係零靠牆設計，貼住牆都打得開；全部可揀耐抓易抹嘅寵物布，細單位由闊 114cm 起有得揀。15 款 · $5,002 起

師傅送貨上門組裝，最快約 2 星期
最長 10 年保養
7 間門市可以試坐

點解市面上 90% 嘅電動梳化都浪費緊你嘅空間？

傳統設計需要預留後方空位，變相令客廳「縮水」。
我哋認為，每一吋都係錢，唔應該浪費。
Italo Moda 重新定義結構標準，為你賺返客廳嘅實用面積。

📐 打破空間限制：零靠牆 (Zero Wall)

舊式電動梳化要離牆預留 10cm，電較先打得開。我哋改咗支架嘅結構設計，梳化完全貼牆擺放，一樣可以開盡全部電較。唔好睇少呢 10cm，佢決定咗你客廳嘅空間感。

🛡️ 強韌防護：科技布 vs 利爪

唔係靠運氣，係靠物料科技。特製高密度編織層，令貓爪無法勾入纖維。加上全密封式機件，杜絕夾傷風險。真正令主人同毛孩都安心。

一眼比較：尺寸、特點、保養、價錢

價錢係最平嗰個尺寸同物料；網上價已包送貨上門同組裝。闊度係每款可揀嘅尺寸。

款式	闊（cm）	深 × 高（cm）	特點	保養	最快送貨	價錢
Brooks 左右電動貴妃梳化	147 / 173 / 183 / 259	104–152 × 75–102	零靠牆 · 貴妃・L 型	10 年	約 2 星期	$7,299 起
Bellagio 寵物友善電動梳化	76 / 165 / 180 / 196 / 274 / 353	107 × 81	零靠牆 · 六電動 · 貴妃・L 型	10 年	約 2 星期	$10,099 起
I301 零距離電動梳化	132 / 168 / 185	86 × 103	零靠牆 · 六電動	1 年（可升級至 10 年）	約 2 星期	$5,002 起
I304 零靠牆電動梳化	132 / 168 / 185	86 × 103	零靠牆	1 年（可升級至 10 年）	約 2 星期	$5,299 起
I303 2+L 電動梳化	135 / 188 / 241	97 × 100	零靠牆 · 貴妃・L 型	1 年（可升級至 10 年）	約 2 星期	$5,299 起
I302 微距離貼牆電動梳化	132 / 168 / 185	85 × 103	零靠牆 · 六電動	1 年（可升級至 10 年）	約 2 星期	$6,199 起
I306 淺廳皇電動梳化	135 / 170 / 188	80 × 102	零靠牆 · 六電動	1 年（可升級至 10 年）	約 2 星期	$5,399 起
Moderna 電動 L 型梳化	175 / 206 / 353	112 × 75	零靠牆 · 六電動 · 貴妃・L 型	10 年	約 2 星期	$7,790 起
Oreo 六電動零靠牆梳化	142 / 168 / 183 / 262	91 × 104	零靠牆 · 六電動	10 年	約 2 星期	$8,699 起
Everest 零靠牆六電動梳化	130 / 165 / 180 / 259	91 × 102	零靠牆 · 六電動	10 年	約 2 星期	$9,399 起
ISABEL 耐貓爪電動梳化	141 / 166 / 187	90 × 99	六電動	10 年	約 2 星期	$6,999 起
Verona 六電動梳化	161 / 177 / 192 / 271	107 × 75	零靠牆 · 六電動 · 貴妃・L 型	10 年	約 2 星期	$9,899 起
Fububu 左右電動貴妃梳化	178 / 196 / 216 / 254	104 × 91	零靠牆 · 貴妃・L 型	10 年	約 2 星期	$8,499 起
I307 零靠牆電動梳化	114 / 150 / 165	86 × 104	零靠牆 · 六電動	1 年（可升級至 10 年）	約 2 星期	$5,002 起
Latte 零靠牆電動推腰梳化	150 / 175 / 191 / 246	84 × 99	零靠牆	10 年	約 2 星期	$7,599 起

電動梳化點揀？先睇呢 4 樣

1. 先度位：梳化闊度要細過擺位。舊式電動梳化要離牆預留 10cm，電較先打得開；零靠牆款完全貼牆擺放，一樣可以開盡全部電較，但前面要夠位俾腳踏伸出。細廳可以撳上面「闊 140cm 以下」或者「淺身」篩選。

2. 揀功能：淨係想抬腳，雙電動腳踏已經夠；想頭頸同腰都有承托，揀六電動（頭枕、腰枕、腳踏都電動）；想成個人瞓直，揀電動貴妃。

3. 揀物料：全部款式都可以揀寵物布，耐抓、防水、易抹，有貓狗或者細路最啱；鍾意皮質感可以睇 Verona 半皮。

4. 睇保養：ITALO MODA 系列標準保養 10 年；INITIAL 系列（I 字頭型號）標準 1 年，可以加配升級至共 10 年。

網上落單點運作？

揀好尺寸、物料同功能，加入購物車就可以網上落單。落單後有專人聯絡你約送貨日子，而家最快約 2 星期送到；網上價錢已包送貨上門同組裝（離島、抬樓梯等另計）。

想訂造尺寸或者唔肯定放唔放得落，落單前 WhatsApp 我哋；想試坐可以去 7 間門市，但唔係必要。

買電動梳化之前最多人問

電動梳化要預留幾多位？

舊式電動梳化要離牆預留 10cm，電較先打得開；零靠牆款完全貼牆擺放，一樣可以開盡全部電較。不過前面要預留腳踏伸出嘅空間。

每款產品頁都寫明闊、深、高，唔肯定可以 WhatsApp 傳擺位尺寸俾我哋睇。

雙電動同六電動有咩分別？

雙電動一般係兩個座位嘅腳踏電動升降；六電動即係兩個座位各有電動頭枕、腰枕同腳踏，可以分開調，承托更貼身。上面比較表「特點」一欄寫住邊款有六電動。

摩打壞咗點算？保養幾耐？

ITALO MODA 系列標準保養 10 年；INITIAL 系列（I301、I401 呢啲 I 字頭型號）標準保養 1 年，可以加配升級至共 10 年。保養包結構、電較同開關，面料唔包。

每款嘅保養年期寫咗喺產品卡同下面比較表，條款睇保養計劃。

屋企有貓狗，揀邊款好？

呢度每款都可以揀寵物布，耐抓、防水、易抹；寵物布耐磨測試（Martindale）超過 25,000 轉。Bellagio 仲有全密封底座，貓狗唔會鑽入梳化底。

電動梳化要唔要預留插蘇？

要。電動梳化要駁電，擺位附近最好有插蘇或者預留拖板位；新樓裝修可以預先喺梳化位加插蘇。

冇 lift、要行樓梯，送唔送到？

送得到。網上價錢已包送貨上門同組裝；要抬樓梯、推路或者送去離島，會按實際情況另收附加費，詳情睇送貨及額外服務收費。

落單前可以 WhatsApp 地址同樓層俾我哋確認。

幾耐送到？

梳化係訂造，落單後有專人聯絡你約送貨日子，而家最快約 2 星期送到。喺產品頁揀送貨區份，就睇到最快幾時送到。

可唔可以去門市試坐先？

可以，7 間商場門市都有展品可以試坐。唔試都可以直接網上揀好落單，有疑問落單前 WhatsApp 我哋。