過千客人揀咗
客廳地櫃・伸縮餐枱
11 款慳位客廳傢俬：INITIAL 地櫃將貓窩同收納合埋一件，唔使再另外擺貓窩；伸縮餐枱平日收細，請朋友食飯先拉大。11 款 · $3,645 起
- 師傅送貨上門，最快約 2 星期
- 地櫃貓窩收納二合一，餐枱平日收細慳位
- 7 間門市可以睇實物
-
-
-
過千客人揀咗
-
-
-
-
-
-
-
-
暫時冇呢類款式，揀返「全部」睇晒。
3 款貓咪地櫃一眼比較
三款都係地櫃連貓窩，唔使另外再擺貓窩。分別在於收納方式同貓咪有冇得磨爪。尺寸來自產品頁；價錢睇上面每款產品卡。
| 款式 | 闊度 | 深 × 高 | 貓咪位 | 收納 |
|---|---|---|---|---|
| Moon 月球地櫃 | 100 / 150cm | 40 × 63cm | 圓形貓門，跟滑門移去左邊或右邊 | 開放式層架；櫃面可以擺電視 |
| Arc 拱門貓窩地櫃 | 100 / 140cm | 40 × 49cm | 拱門貓窩融入櫃身 | 2 個闊身大抽屜 |
| Playground 貓咪遊樂場地櫃 | 100 / 160cm | 42 × 60cm | 貓窩 + 兩側天然麻繩磨爪柱 | 滑門 + 透氣網門；內櫳有走線孔 |
細客廳點揀地櫃同餐枱？
1. 先諗每日點用：成日請朋友食飯，先揀伸縮餐枱；雜物同貓咪用品多，就先揀地櫃。
2. 量清楚闊度：地櫃 100cm 款啱窄牆同玄關；想擺電視、收多啲嘢就揀 140–160cm。記得預留抽屜拉出、餐椅拉凳同行過嘅位。
3. 有毛孩就揀一件多用：INITIAL 地櫃將貓窩收埋喺櫃身，Playground 仲有麻繩磨爪柱，唔使再另外擺貓窩同貓抓柱。
買客廳傢俬之前最多人問
地櫃可唔可以當電視櫃用？
可以。Moon 同 Playground 櫃面都可以擺電視、燈具同擺設，Playground 內櫳仲有走線孔。落單前 WhatsApp 電視尺寸同重量俾我哋，幫你確認揀邊個闊度。
3 款貓咪地櫃點揀？
想櫃面擺電視、要開放層架，揀 Moon；想用抽屜收細碎嘢，揀 Arc；想主子有得磨爪、有個包住嘅貓窩，揀 Playground。
地櫃表面怕唔怕貓抓？
Arc 用耐磨、易清潔嘅寵物友善表面；三款日常都係用微濕軟布抹，再用乾布抹乾就得。不過任何表面都可能俾尖銳硬物刮花。Playground 嘅麻繩柱就係俾貓磨爪用，屬消耗位置，記得定期睇下磨損。
餐枱同地櫃會唔會一齊放唔落？
先量兩件收埋之後嘅闊度，再預留主要行位。伸縮餐枱平日收細，地櫃貼牆集中收納，兩件都係為細廳慳位而設。唔肯定可以 WhatsApp 客廳尺寸俾我哋幫你睇。
4 人、6 人餐枱要幾大？
一般每人預大約 60cm 枱邊：4 人長枱大約 120–140cm，6 人大約 160–180cm。伸縮餐枱平日收細，請客先拉長，細廳最啱。
使唔使去門市睇咗先買？
唔使，揀好款式同尺寸就可以網上直接落單。想先睇實物、試拉餐枱都得，不過個別新款未必每間門市都有陳列，出發前可以 WhatsApp 問定。
幾耐送到？
落單後有專人聯絡你約送貨日子，而家最快約 2 星期。喺產品頁揀送貨區份，就睇到最快幾時送到。
坐得耐、用得耐嘅細節
唔係淨係講，我哋實測、實拍俾你睇。
耐貓抓皮
普通真皮同耐貓抓皮差幾遠？
普通真皮最怕貓爪：爪尖一下下抓落去，表面色層同面皮就被刮走，纖維起毛、留低一粒粒爪窿，越抓越大片，好難修補。Italo Moda 耐貓抓皮表面較韌，貓抓過多數只留低細小針孔痕，唔會大面積抓爛。有貓又想要皮梳化，揀呢款就啱。
老實講：冇任何皮或者布係 100% 防抓，但耐貓抓皮可以大大減少抓爛。
睇寵物友善梳化 ›USB A+C 快充
梳化叉電：28.8W 對 10W，快近 3 倍
Italo Moda 而家全部電動梳化都有 USB A+C 快充。我哋用 USB 功率計接住手機實測：Italo 快充位去到 28.8W，普通 USB 位只有 10W 左右。坐喺梳化碌手機、睇劇、打機，邊用邊叉都追得上，唔使走去牆邊插蘇。
叉手機安唔安全？快充位點樣用最快？
舊手機、耳機、手錶都可以照插。我哋嘅快充位一插上去只係出 5V，要部機主動要求快充，先會升到 9V、15V 或者 20V。唔支援快充嘅機就一直用 5V 慢慢叉，唔會俾高電壓沖親。
想叉最快，插 USB-C 位，用 USB-C 線。我哋實測嗰 28.8W 係 USB-C 位嘅讀數。iPhone 15 或之後、大部分 Android 手機同平板都係 USB-C，用原裝 C 對 C 線就得。
快充靠高電壓，唔靠大電流。快充係靠提高電壓加快速度，唔係靠大電流：實測 20V 檔電流只有 1.45A，扶手入面嘅接頭唔使頂大電流。
平板、Switch 叉得更快，輕薄手提電腦都有機會叉到。手提電腦一般要 15V 至 20V 先肯叉，普通 5V USB 位叉唔到；我哋嘅快充位有 20V 檔，不過一般會比手提電腦原裝火牛慢，實際睇部機支援幾多 W。
2026 年 10 月用 USB 功率計實測，接手機充電時讀數；實際速度視乎手機支援幾多 W。
睇電動梳化 ›