親身試坐
先知咩叫啱

布料好舒服，因為屋企有小朋友所以好快實測真係防水！ 坐落去軟硬適中，兩個人坐顯闊落，三個人其實都勉強坐得落呢下夠surprise! 靠背係多段式調節，床位拉上嚟晾腳睇電視好chill, cushions 又軟熟，size又剛好，最重要背位完全推平做床個陣，同電視櫃距離得返幾CM，我就覺得呢張sofa真係物超所值，好啱細廳好啱香港蝸居！
CS態度好好，師傅送貨準時，態度有禮，希望 貴公司保持水準，祝願長做長有！

DUNCAN Sofabed 梳化床

非常滿意新沙發，用大象灰寵物皮顏色大方得體好襯，坐位加硬左軟硬適中，連貓仔都好滿意！沙發夠長之餘，寬度可以零靠牆好慳位。

Capri 簡約現代設計 頭層真皮梳化

一直想搵一張「無需插電、簡單拉出」嘅梳化床，仲要可以變貴妃位；我哋真係找咗好耐都冇咩理想結果。之後喺呢間店見到，因為款式多，我哋比較咗好耐，最後要求店方合併兩張梳化的原設計再做少少修改。店方都好配合，亦好細心，會清楚講返各種做法嘅利弊，令我哋定到最合適嘅方案。最後我哋做咗張可以全收、亦可以簡單拉出成貴妃椅；同時拉出又可以變成一張床，而且面積較大，完全符合我哋需要。因為屋企人有坐骨神經痛，我哋仲特別要求加強支撐：加錢加硬坐墊及背位（加棉芯）提升舒適度同承托感。收到實物嗰刻真係好滿意！就是我們心目中嘅 「dream sofa + bed」。送貨及安裝的三位師傅都很有禮貌。要他們上斜路，還有樓梯級，所以都加咗$200樓梯費都算合理。

I402 梳化床幫你變出空間。唔夠位？一拉，屋企大一倍。

最初只是從網站見到此梳化，感覺幾好，後來前往實體店，實物比圖片更歡喜，慳位，多顏色選擇，坐的空間很闊身，能儲物和電較同時擁有，送貨比預期早，真的十分推薦。

I305 零牆距收納梳化

梳化好舒服，成家都好鍾意👍
我家主子都好歡喜🐶
有樓梯上落勁方便
可以自己揀左邊或右邊做樓梯
梳化下面有兩個儲物櫃桶都好好用
成張梳化包括櫃桶都好重好實淨
相信用料都幾好，真心推薦👏👏
買了真的後悔，後悔買得太遲🤭

PawsLounge 寵物梳化

！佢坐感硬淨，扶手扁薄又慳位，細路成日郁來郁去都唔怕搞壞咗。最令我開心嘅係佢嘅電腰枕同腳都可以隨意調節，忙完一日坐低嗰陣真係鬆晒！對於長時間抱住BB嘅我嚟講最驚喜嘅係佢嘅全真皮材質，好容易清潔，我啲兩個細路成日亂摸或者打翻食物都唔怕，抹一抹就乾淨晒。買之前仲以為會唔夠用，但而家真係越用越滿意，成個家庭都鐘意得不得了！

買咗Elmo之後真係覺得自己同兩隻貓貓嘅生活質素提升咗好多！呢張梳化有超大腰枕，可以完全托住我坐嘅時候個腰，好貼心，而且靠背又可以自己調校，簡直係煲劇神器！但最正嘅係佢嘅杯架設計，擺飲品好方便，仲慳埋放茶几嘅空間，香港呢啲細單位超適合！貓貓都超鍾意喺梳化上面瞓覺，佢哋成日攤係扶手上瞓到唔願郁，因為嗰度夠柔軟。加埋梳化用料夠耐用，貓抓咗幾下都冇乜痕跡，完全可以話係貓奴必備嘅傢俬，值得推介俾所有愛寵物嘅朋友！

梳化好大好舒服，開收梳化床都非常容易操作。亦非常寵物友善，有擋版安全地阻止毛孩們走進梳化底，材質舒適容易打理掉下的毛髮，一家人都非常滿意👍🏻

I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。