細飯廳揀伸縮餐枱，每日見到嘅係收埋嘅尺寸，請客先用到拉開嘅尺寸，所以兩個尺寸都要計。我哋而家有 8 款伸縮餐枱，最慳位係 Milano 意大利伸縮餐枱，收埋只係 44 × 80cm，拉開最長 186cm 坐 8 人。呢篇教你計尺寸，並列出 8 款平日同拉開嘅尺寸。想直接睇款式同價錢，去伸縮餐枱分類頁。
點計先唔會買大咗？落單前計 4 樣
- 人數：每人預大約 60cm 枱邊位。4 人長枱大約 120 至 140cm 長，6 人大約 160 至 180cm 長。平日人數決定收埋尺寸，請客人數決定拉開尺寸。
- 枱闊：最少大約 75cm，兩邊先夠位擺碗碟。
- 拉凳位：椅背後面留大約 75 至 90cm。後面仲要有人行過，就預近 90cm。
- 拉開之後再計一次：用拉開後嘅長度再計拉凳位，唔好淨係睇收埋尺寸。
計法：枱闊唔好大過「飯廳位闊度減兩邊拉凳位」。例如飯廳位闊 220cm，兩邊都擺椅，220 減 75 再減 75，枱闊最多 70cm。想要 75 至 80cm 闊嘅枱，就一邊貼牆擺或者用長櫈，只減一邊。量嘅時候由牆身量到櫃、梳化背或者門口，唔好淨係量牆到牆。
唔肯定邊個尺寸啱，可以 WhatsApp 我哋，傳飯廳嘅長闊或者相，真人幫你揀。完整人數對照表睇餐枱尺寸攻略。
8 款伸縮餐枱：平日幾大、拉開幾長
由平日最細排到最大，尺寸取自各產品頁。
| 款式 | 平日（長 × 闊） | 拉開後長度 | 特點 | 組合 |
|---|---|---|---|---|
| Milano 意大利伸縮餐枱 | 44 × 80cm | 91cm、138cm、186cm | 最多坐 8 人；全開都冇中腳；意大利 CLEAF 板材 | 白色、水泥色 |
| Galar 馬肚型岩板伸縮餐枱 | 111 × 76.5cm | 165cm | 平日 4 人，拉開 6 人；馬肚型岩板枱面；十字腳，四角冇腳 | 一檯四椅 |
| Bena 鎏金白岩板伸縮餐枱 | 118 × 74cm | 178cm | 平日 4 人，拉開 6 至 8 人；鎏金白岩板，黑色腳架 | 一檯四椅 |
| 胡桃木面伸縮餐枱 | 119 × 75cm | 148.5cm | 伸展板收喺枱中間；胡桃木紋 MDF 枱面有防刮塗層；實心橡膠木枱腳 | 連 4 張餐椅 |
| Fina 岩板伸縮餐枱 | 120 × 79cm | 180cm | 平日 4 人，拉開 6 至 8 人；白金藝或者摩納哥灰岩板 | 一檯四椅 |
| 美國全實木白橡色伸縮餐枱 | 120 × 80cm | 150cm | 100% 美國實木，冇貼皮；枱角打磨成圓角 | 連 2 張餐椅同 1 張長櫈 |
| Ruber 岩板伸縮餐枱 | 140 × 80cm | 200cm | 平日 4 至 6 人，拉開 8 人；阿瑪尼灰岩板；金屬交叉腳，四角冇腳 | 一檯兩椅一長椅、一檯四椅或者淨枱 |
| 美國全實木圓形伸縮餐枱 | 多種長闊可以訂造 | 視乎訂造尺寸 | 100% 美國實木，冇貼皮；枱角打磨成圓角 | 睇產品頁 |
Ruber、Fina、Bena、Galar 四款岩板枱，兩塊伸縮板平時收喺枱面底，兩頭一拉就得。淨係想睇岩板，去岩板餐枱。
Milano 意大利伸縮餐枱：44cm 玄關枱拉到 186cm
Milano 意大利伸縮餐枱係意大利製造，一張枱有 4 個長度：
- 收埋 44 × 80cm：貼牆做玄關枱或者邊枱。
- 加 1 塊板，91cm：做書枱，或者 2 至 4 人餐枱。
- 加 2 塊板，138cm：坐 4 至 6 人。
- 3 塊全加，186cm：坐 8 人。
3 塊伸縮板平時收喺枱腳入面，唔使另外搵位擺。枱腳淨係喺兩頭，全開都冇中腳，坐滿都唔會撞腳。路軌係意大利原裝五金，全開承重大約 50kg。枱面用意大利 CLEAF 板材，防潮、耐熱、耐磨，濕布一抹就乾淨。枱高 75cm，有白色同水泥色，兩色都要預訂。開合步驟睇Milano 使用說明。
你屋企啱邊款？
| 屋企情況 | 推介款式 | 點解 |
|---|---|---|
| 平時想當玄關枱，請客先變大枱 | Milano | 收埋 44 × 80cm，全開 186cm 坐 8 人 |
| 飯廳窄，想枱身窄啲 | Bena、胡桃木面 | Bena 闊 74cm；胡桃木面闊 75cm |
| 平日 4 人，間中坐 6 人 | Galar | 111cm 拉到 165cm，4 人變 6 人 |
| 成日請 6 至 8 人 | Bena、Fina、Ruber | 拉開有 178cm、180cm 同 200cm |
| 成日打邊爐，有小朋友 | Ruber、Fina、Bena、Galar | 岩板耐熱、耐刮、防污，熱餸放得落，豉油咖啡一抹就乾淨 |
| 坐四角唔想撞枱腳 | Ruber、Galar | 枱腳集中喺中間承托，四角冇腳 |
| 鍾意實木手感，或者要訂造尺寸 | 美國全實木款 | 100% 美國實木，提供多種長闊訂造 |
| 屋企已經有餐椅 | Ruber | 可以淨買餐枱 |
落單前最多人問
伸縮餐枱穩唔穩陣？
睇路軌、枱腳位置同拉開後嘅承托。Milano 用意大利原裝五金路軌，全開承重大約 50kg。Ruber 同 Galar 嘅枱腳集中喺中間承托，拉長之後兩頭照樣坐得人。日常唔好坐喺枱邊，亦唔好大力拖枱。
二人餐枱揀幾大？
2 人用一般大約 70 至 90cm 長、70 至 80cm 闊。想平日細、請客大，Milano 加 1 塊板係 91cm，坐 2 至 4 人，朋友嚟再加板。
岩板定實木好？
成日打邊爐、屋企有小朋友，岩板易打理啲：耐熱、耐刮、防污。邊角受重撞有機會崩邊，唔好用硬物撞枱邊。鍾意木紋手感就揀全實木，熱煲唔好直接擺，用杯墊同隔熱墊保護。
可唔可以連餐椅一齊買？
可以。Fina、Bena、Galar 係一檯四椅套裝；Ruber 可以揀一檯兩椅一長椅、一檯四椅，或者淨買餐枱；白橡色全實木款配 2 張餐椅同 1 張長櫈；胡桃木面款配 4 張餐椅。
可唔可以訂造尺寸？
美國全實木款提供多種長度同闊度訂造。Ruber 可以轉其他岩板顏色，要另外加錢，價錢睇產品頁。訂造尺寸可以 WhatsApp 我哋問清楚；標準尺寸就直接網上落單。
網上點落單？幾耐送到？
喺產品頁揀好顏色或者組合，加入購物車就可以網上落單，落單後有專人聯絡你約送貨日子。喺產品頁揀送貨區份，就睇到最快幾時送到。網上價錢已包送貨上門同組裝，偏遠地區、抬樓梯等另計，詳情睇附加服務收費。想睇實物可以去門市，出發前問定邊間有擺，但唔係必要。
