過千客人揀咗
岩板餐枱
4 款岩板伸縮餐枱：枱面耐熱、耐刮、防污，平日收細慳位，請朋友食飯一拉就變長枱，最長 200cm 坐 8 人。4 款 · $5,499 起
- 師傅送貨上門組裝，最快約 2 星期
- 網上價已包送貨同安裝
- 全部可以伸縮，平日收細慳位
岩板伸縮餐枱一眼比較
揀岩板餐枱，先睇平時收細有幾大同拉開最長幾長，再揀石紋顏色同枱腳。以下尺寸來自產品頁；價錢睇上面每款產品卡。
岩板餐枱好唔好？3 個好處同 3 樣要留意
好處：
- 耐熱：熱餸放得落，開飯、打邊爐都唔使驚；想枱面長用長新，擺熱煲一樣建議用返隔熱墊。
- 耐刮：表面硬，唔易刮花。
- 防污：唔易吸色，豉油、咖啡倒瀉一抹就乾淨。
要留意：
- 邊角怕重撞：岩板表面硬，但邊角受重物撞擊有機會崩邊，日常唔好用硬物撞枱邊。
- 比較重：搬運同安裝交俾師傅，網上價已經包送貨同安裝。
- 石紋每批略有唔同：係天然石紋效果，收到嘅紋理同相片會有少少分別。
岩板餐枱點揀尺寸？
1. 先計平日幾多人：一般每人預大約 60cm 枱邊。平日 4 個人，長 111 至 120cm 嘅 Galar、Bena、Fina 夠用；平日 4 至 6 個人就睇 140cm 嘅 Ruber。
2. 再睇請客幾多人：Galar 拉開 165cm 坐 6 人；Bena 178cm、Fina 180cm 坐 6 至 8 人；Ruber 200cm 坐 8 人。
3. 留位拉凳：椅背後面最好留大約 75–90cm。用拉開之後嘅長度再計一次，唔好淨係睇收埋尺寸。
4. 四角想坐人：Ruber 同 Galar 嘅枱腳集中喺中間，四角冇腳，拉長之後兩頭照樣坐得人。
買岩板餐枱之前最多人問
岩板餐枱會唔會崩邊？
岩板表面硬、耐刮，但邊角受重物撞擊有機會崩。日常避免用硬物撞枱邊，搬運同安裝交俾師傅處理。
岩板餐枱可唔可以直接擺熱煲？
岩板耐熱，熱餸放得落。不過想保護枱面，打邊爐、擺熱煲都建議用返隔熱墊。
岩板餐枱點清潔？
岩板唔易吸色，豉油、咖啡倒瀉用濕布一抹就乾淨，日常抹枱就得。
岩板定實木好？
成日打邊爐、屋企有小朋友，岩板易打理啲；鍾意木紋手感，就揀美國全實木款，用杯墊同隔熱墊保護就得。兩種我哋都有伸縮款，睇晒全部伸縮餐枱。
4 人、6 人、8 人要揀邊款？
平日 4 人、請客 6 人：Galar（111cm 變 165cm）。平日 4 人、請客 6 至 8 人：Bena（118cm 變 178cm）或者 Fina（120cm 變 180cm）。平日 4 至 6 人、請客 8 人：Ruber（140cm 變 200cm）。
伸縮板收喺邊？點拉開？
兩塊伸縮板平時收埋喺枱面底，唔使另外搵位擺。要用嗰陣兩頭一拉就得。
可唔可以淨買餐枱，唔要餐椅？
Ruber 喺產品頁可以直接揀「淨檯」。Fina、Bena、Galar 係一檯四椅套裝，想淨買餐枱或者轉其他餐椅，WhatsApp 我哋幫你配。
有冇其他岩板顏色？
Fina 有白金藝同摩納哥灰兩隻色。Ruber 係阿瑪尼灰，可以加錢轉其他岩板顏色，WhatsApp 我哋問有咩色。Bena 係鎏金白，Galar 係淺灰雲石紋。
包唔包送貨同安裝？
網上價已經包送貨同安裝，師傅送貨上門組裝。偏遠地區或者要抬樓梯等情況另計，詳情睇送貨及額外服務收費。
幾耐送到？
落單後有專人聯絡你約送貨日子，而家最快約 2 星期。喺產品頁揀送貨區份，就睇到最快幾時送到。