電動梳化嘅功能分兩樣睇：有幾多個電動位（雙電動、四電動、六電動），同埋梳化點擺（零靠牆、貴妃）。淨係想抬腳，雙電動已經夠；成日長時間坐，六電動舒服啲；客廳淺揀零靠牆；想伸直對腳揀貴妃。下面逐樣比較，仲列出每種功能有邊啲款。想直接睇款式同價錢，去電動梳化分類頁。
雙電動、四電動、六電動有咩分別？
| 功能 | 邊度係電動 | 啱邊類人 | 有呢個功能嘅款式 |
|---|---|---|---|
| 雙電動 | 兩個座位嘅腳踏電動升降 | 淨係想抬腳休息 | I301、I303、I304、I306、I307、Latte |
| 四電動 | 腳踏之外多一樣：I302 係電動頭枕，Latte 係電動腰枕 | 想頭頸或者腰多啲承托 | I302、Latte |
| 六電動 | 兩個座位各有電動頭枕、腰枕同腳踏，各自調角度 | 成日坐住睇戲、打機，或者腰頸容易攰 | Oreo、Everest、Elmo、Verona、Lusso；I301、I302、I306、I307 都揀得 |
I301、I306、I307 可以喺產品頁揀雙電動定六電動，I302 可以揀四電動定六電動，Latte 可以揀雙電動定四電動。全部六電動款式喺六電動梳化分類頁。
零靠牆係咩？
舊式電動梳化要離牆預留 10cm，電較先打得開。零靠牆梳化完全貼牆擺放，一樣可以開盡全部電較。
背後唔使留位，客廳淺都擺得落；不過前面要夠位俾腳踏伸出。I304、I307、Latte、Oreo、Everest、Elmo 都係零靠牆電動梳化，全部款式喺零靠牆梳化分類頁。點擺、點度，睇零靠牆擺位攻略。
貴妃位：固定貴妃、電動貴妃同轉角
- 固定貴妃：一直伸出嚟嘅長座位，可以成個人挨低。I303 可以揀「單電動腳踏＋貴妃」，Verona 有闊 271cm 嘅 2+L。
- 電動貴妃：平時同普通座位一樣，撳掣先伸腳，慳位啲。Brooks 同 Fububu 左右兩邊都係電動貴妃；Brooks 仲可以揀六電動，即係電動頭枕、腰枕加貴妃。
- 轉角：Moderna 有轉角組合，多人坐都夠位。
貴妃擺左定擺右：企喺梳化前面望住梳化，貴妃喺你左手邊就係左貴妃。除咗總闊度，仲要睇貴妃位伸出嚟嘅深度，客廳淺要留意會唔會頂住茶几或者電視櫃。款式喺L 型・貴妃梳化分類頁。
零重力係咩？
零重力躺姿即係腳鉸升起、靠背放後，雙腳升到同心口差唔多高。Lusso 係零重力六電動梳化，頭枕、腰枕、腳鉸分開電動調校，闊 155cm 起。
按屋企情況揀功能
| 屋企情況 | 揀咩功能 | 可以睇 |
|---|---|---|
| 牆位窄 | 雙座零靠牆，雙電動或者六電動 | I307 闊 114cm 起；Everest 闊 130cm 起；I301、I302、I304 闊 132cm 起 |
| 客廳淺 | 淺身款，貼牆擺 | I306 深 80cm；I302 深 85cm；I301、I304、I307 深 86cm |
| 成日長時間坐，腰頸易攰 | 六電動 | Oreo、Everest、Elmo、Verona |
| 想伸直對腳 | 貴妃 | I303、Brooks、Fububu、Verona 2+L |
| 有貓狗 | 面料揀寵物布，底座揀密封式 | Bellagio：全密封底座，貓狗鑽唔入 |
闊度已包埋左右扶手。屋企細點揀，睇小型電動梳化選購全攻略；有貓點揀，睇有貓屋企點揀電動梳化。
落單前要度嘅四樣
- 牆闊：梳化闊度最好比幅牆窄最少 10cm。
- 深度同行位：梳化深度加茶几，再留大約 60cm 行位；前面仲要夠位俾腳踏伸出。
- 插蘇：電動梳化要駁電，擺位附近要有插蘇或者拖板位。
- 入屋路線：度埋大門、lift 門同走廊轉角。唔肯定嘅話，落單前 WhatsApp 我哋幫你核對；亦可以約免費上門度尺。
詳細度法睇梳化尺寸攻略。
落單前最多人問
雙電動同六電動有咩分別？
雙電動一般係兩個座位嘅腳踏電動升降；六電動即係兩個座位各有電動頭枕、腰枕同腳踏，可以分開調，承托更貼身。
六電動值唔值得加錢？
睇你點用。淨係想抬腳休息，雙電動已經夠；成日長時間坐，想頭頸同腰都有承托，六電動會舒服啲。
零靠牆梳化前面要留幾多位？
前面要夠位俾腳踏伸出，每款唔同。產品頁寫明闊、深、高；唔肯定嘅話，WhatsApp 傳擺位尺寸俾我哋，幫你核對開盡之後夠唔夠位。
電動梳化安唔安全？
摩打、火牛同膠水嘅測試結果，喺電動梳化安全測試頁睇得到。
電動梳化幾錢？
視乎款式、尺寸、功能同物料。每款產品頁都有「價錢一覽」，一次過睇晒每個配置幾錢；網上價錢已包送貨上門同組裝。
保養幾耐？包啲咩？
ITALO MODA 系列標準保養 10 年；INITIAL 系列（I301、I307 呢啲 I 字頭型號）標準保養 1 年，可以加配升級至共 10 年。保養包結構、電較同開關，面料唔包，條款睇保養計劃。
網上點落單？幾耐送到？
喺產品頁揀好尺寸、物料同功能，加入購物車就可以網上落單，落單後有專人聯絡你約送貨日子。梳化係訂造，喺產品頁揀送貨區份，就睇到最快幾時送到。網上價錢已包送貨上門同組裝，離島、抬樓梯等另計。想試坐可以去 7 間門市，但唔係必要。
