屋企有貓有狗，揀梳化最驚三樣：俾貓抓到起紗、倒瀉咗嘢留低漬、甩毛好難清。寵物布（坊間叫「貓抓布」）就係為呢三樣而設：比一般梳化布耐磨、抗勾絲，布面有防潑水處理，日常用濕布抹就得。
呢篇講清楚寵物布做到啲咩、做唔到啲咩，再按屋企情況話你知邊款梳化啱你。全部寵物布梳化嘅最新價錢同送貨時間，睇貓抓布梳化分類頁。
寵物布（貓抓布）係咩？
寵物布係織得密嘅 100% 聚酯纖維梳化布。因為織得密，貓爪冇咁易勾到紗；表面有防潑水處理，飲品倒瀉會先結成水珠，趁未滲入用乾布索乾就得。坐落係布面手感，透氣唔黐身。
實拍：水倒落寵物布，會先結成水珠。
我哋嘅寵物布做過呢啲測試：
- 耐磨（Martindale）：超過 25,000 轉
- 抗起毛球：4 級
- 拉伸強度：超過 500 N
- 游離甲醛：Intertek 按 ISO 14184-1 化驗，未檢出（低過 5 mg/kg 檢測下限）
- 另有 OEKO-TEX® 認證
完整數據同顏色喺面料顏色頁。
「三防」其實做到啲咩？
坊間講嘅「三防」，一般係指耐抓、防潑水、易清潔。三樣都有限度，買之前知道晒會安心啲。
| 三防 | 做到啲咩 | 要留意 |
|---|---|---|
| 耐抓 | 織得密、抗勾絲，貓爪冇咁易勾到紗 | 冇布料可以完全防止抓痕。貓貓日日抓同一個位，都有機會留低痕跡 |
| 防潑水 | 飲品倒瀉會先結成水珠，趁未滲入用乾布索乾 | 防潑水唔等於防水，倒瀉咗要即刻索乾 |
| 易清潔 | 日常污漬用濕布輕抹；甩毛用吸塵機或者黐毛轆 | 唔好轉來轉去用力擦 |
想睇晒 6 個缺點同清潔方法，睇貓抓布梳化攻略。
有貓有狗，邊款梳化啱你屋企
以下幾款全部可以揀寵物布，分別喺設計。
想貓狗有自己地盤：PawsLounge
PawsLounge 內置貓屋，貓貓有自己個竇；旁邊有樓梯，短腳狗同老狗上落梳化唔使跳。樓梯同櫃桶可以收埋玩具同零食。得一個尺寸：闊 186cm、深 96cm、高 82cm。
唔想貓狗鑽入梳化底：Bellagio、Brooks
電動梳化底有機件，有貓狗嘅屋企最好揀封底嘅款式。Bellagio 係全密封底座，機件唔外露，貓狗鑽唔入梳化底；扶手入面仲有儲物格。闊度由 165cm 到 353cm 有 5 個尺寸，另有 76cm 單座；深 107cm。
Brooks 係全包底座，貓狗一樣鑽唔入去。兩邊座位都係獨立電動貴妃。闊 147cm、173cm、183cm 同 259cm。
想多張床俾人留宿：Snapsleep、I401
Snapsleep 日頭係梳化，拉開就係床；闊 150cm 或者 201cm，深 102cm。I401 梳化床用密封式底座，拉開之後會封住梳化底；闊度由 135cm 到 254cm 有 6 個尺寸。
我哋 9 款梳化床全部可以揀寵物布。逐款比較睇梳化床款式比較，或者直接去梳化床分類頁。
細單位，牆位唔夠闊：I307
I307 零靠牆電動梳化闊 114cm 起，另有 150cm 同 165cm；深 86cm。零靠牆即係完全貼牆擺放，一樣可以開盡全部電較。
想多啲位收納：I305
I305 每個座位揭起都有儲物格，又係零牆距，可以貼牆擺。闊 127cm、163cm 同 178cm；深 81cm。
其他可以揀寵物布嘅電動梳化同 L 型款式，全部喺貓抓布梳化分類頁，可以按電動、梳化床、儲物、貴妃同闊度篩選。
寵物布定真皮
多數有貓嘅客人會揀寵物布：耐抓、易抹。真皮俾貓抓會留痕，介意嘅話揀寵物布會安心啲。
坊間仲有「貓抓皮」同「科技布」，係仿皮手感嘅面料，望落似皮、易抹；貓抓布就係布面，坐落透氣唔黐身。我哋嘅寵物布屬於貓抓布。想要皮面，大部分款式可以喺產品頁「物料」揀生態牛皮或者頭層真皮；唔肯定邊隻皮啱有寵物嘅屋企，可以 WhatsApp 問我哋。
日常清潔同保養
- 甩毛：用吸塵機或者黐毛轆。
- 倒瀉：趁未滲入，用乾布索乾。
- 污漬：用濕布輕抹，唔好轉來轉去用力擦。
- 磨爪：屋企放返塊貓抓板，貓貓有地方磨爪。
ITALO MODA 系列標準保養 10 年；I 字頭型號（例如 I401、I307、I305）屬 INITIAL 系列，標準保養 1 年，可以加配升級至共 10 年。保養包結構、電較同開關，面料唔包，條款睇保養計劃。
電動梳化嘅按鈕濕咗水，或者想清潔真皮同科技布，睇電動梳化清潔教學。
落單前最多人問
寵物布會唔會俾貓抓花？
有機會。寵物布比一般梳化布耐磨、抗勾絲，貓爪冇咁易勾到紗，但冇布料可以完全防止抓痕。貓貓日日抓同一個位，都有機會留低痕跡。
寵物布有冇甲醛？
Intertek 按 ISO 14184-1 化驗，寵物布嘅游離甲醛未檢出（低過 5 mg/kg 檢測下限），另有 OEKO-TEX® 認證。
寵物布有咩顏色揀？
寵物布有多款顏色，喺面料顏色頁睇得到。想睇實物色板可以去門市，或者 WhatsApp 我哋。
有冇寵物布梳化床？
有。我哋 9 款梳化床全部可以揀寵物布，由闊 97cm 單人款到 254cm 連貴妃，睇梳化床分類頁。
網上點落單？幾耐送到？
喺產品頁揀好尺寸、物料同功能，加入購物車就可以網上落單，落單後有專人聯絡你約送貨日子。梳化係訂造，喺產品頁揀送貨區份，就睇到最快幾時送到。網上價錢已包送貨上門同組裝，離島、抬樓梯等另計。想試坐可以去 7 間門市，但唔係必要。
