舊梳化點棄置？回收、捐贈、收費同做法（2026）

最後更新：2026 年 11 月 ｜ Italo Moda 團隊整理

舊梳化點處理？4 個方法比較

換新梳化就叫送貨師傅搬走；唔換就自己搬去垃圾收集站，或者問管理處；仲用得就捐贈或者送俾人。

買新梳化：送貨當日順手搬走舊梳化

喺我哋買新梳化，送貨嗰日師傅可以順手搬走舊梳化，你唔使自己搬落樓。

棄置係自選服務，唔要就唔使俾。收費按舊梳化嘅闊度計：

• 點俾錢：送貨當日現金直接俾送貨師傅。
• 要行樓梯：舊梳化要經樓梯搬走，另加抬樓費，梳化每層 $100 至 $200，按闊度同有冇電較計；四座位另外報價。
• 入牆梳化、卡位：要清拆嘅，我哋會睇情況決定可唔可以安排，費用另議。
• 幾時講：落單後同事會聯絡你約送貨日子，嗰陣講低要棄置舊梳化、佢有幾闊就得；亦可以 WhatsApp 我哋。
• 其他舊傢俬：餐枱、餐椅、茶几、床架同床褥都可以一齊搬走，按貨品同尺寸收費。

收費以送貨及額外服務收費頁為準（2026 年 11 月核對）。

自己棄置：搬去食環署垃圾收集站

唔換新梳化，可以自己將舊梳化送去食環署嘅離街垃圾收集站。

1. 先問管理處：住屋苑或者有管理處嘅大廈，問清楚大型垃圾擺邊度、幾時擺、使唔使收費。每個屋苑做法唔同。
2. 搵最近嘅離街垃圾收集站：食環署全港有 171 個（港島 49 個、九龍 65 個、新界及離島 57 個），都接收傢俬呢類一般大型家居廢物。各區地址可以喺 1823 網頁查。
3. 睇開放時間：垃圾收集站一般每日上午 7 時至下午 3 時 30 分開放，繁忙地區延長至晚上 11 時 30 分。每個站可能唔同，去之前查清楚。
4. 安排搬運：梳化又大又重，最少兩個人搬；先度好大門、lift 門同走廊轉角。自己搬唔到，就要請搬運或者客貨車，費用同對方傾。
5. 送到垃圾收集站先放低：唔好中途擺喺街、後巷或者樓梯口。

政府資料來自食物環境衞生署、1823 同環保署香港減廢網站（2026 年 11 月查閱）。安排可能有變，以政府最新公布為準。

仲用得：捐贈或者送俾人

梳化仲乾淨、坐得舒服，可以捐贈或者送俾人，唔使當垃圾掉。

• 國際十字路會：收狀況良好嘅傢俬，網頁列明需要 2 至 3 人嘅細梳化同梳化床。用 GoodCity.HK app 影相申請，義工睇過先決定收唔收；之後自己送去屯門，或者經 app 叫車，車費直接俾司機。
• 送俾親友或者放上二手平台：影清楚相，寫明闊度、深度同高度，講明要對方自己搬走。
• 其他慈善機構：每間收嘅物品唔同，捐之前先問清楚收唔收梳化、使唔使自己運。

爛咗、塌咗、發霉或者有蟲嘅梳化，對方用唔到，就當大型家居廢物處理。

搬走舊梳化之前，做好 5 件事

清空、收埋、拔電、度路線、護好地板。

1. 清空梳化：儲物格、扶手罅同座墊罅搵一次，遙控、鎖匙、零錢好易跌咗入去。
2. 電動梳化先收埋再拔電：將腳踏同靠背收返埋，再拔插頭，電線同變壓器紮好。
3. 梳化床收返做梳化：床架收埋先搬，搬嘅時候唔會彈開。
4. 度路線：度大門、lift 門同走廊轉角嘅闊同高，睇下搬唔搬得出。
5. 護好地板同牆角：搬嘅時候抬起，唔好拖；轉角位慢慢轉。

換新梳化：點夾時間最順？

等新梳化送到嗰日先搬走舊嗰張，中間唔會冇梳化坐。

1. 搬走之前度好位：度低舊梳化嘅闊度同擺位，就知新梳化揀幾闊。點度可以睇梳化尺寸攻略。
2. 網上揀款落單：喺產品頁揀好闊度、物料同顏色就可以直接落單。可以由全部梳化、電動梳化或者梳化床睇起。
3. 約送貨時講低要棄置：落單後同事會聯絡你約送貨日子，嗰陣講低舊梳化有幾闊、使唔使行樓梯。
4. 送貨當日：師傅送新梳化上門同組裝，順手搬走舊梳化；棄置費當日現金俾師傅。

舊梳化棄置常見問題