先揀生活需要，再比較外形同尺寸。鍾意嘅風格可以保留，梳化就按實際坐感同可用空間揀。
01 ／ 日出康城客廳配搭
長形客飯廳可先將休息區安排近採光一端，餐桌留近入口及廚房，再核對由入口通往露台嘅完整路線。梳化與電視櫃之間，仲要計茶几及腳踏打開後嘅位置。
揀之前諗一諗：Brooks可比較不同闊度及獨立伸展；先確認露台路線同側邊房門，再決定選兩座或較大配置。
配色：自然白、淺橡木、灰綠
配搭梳化
揀佢嘅理由：左右獨立電動貴妃、全包底座、可選電動頭枕及推腰。
適合需要：想放鬆伸腳，同時重視寵物家庭日常使用。
闊度選項：147／173／183／259 cm。配置因尺寸而異，請按產品頁選項比較。
02 ／ 日出康城客廳配搭
橫向相連嘅客飯廳，可以先由餐桌靠近入口嘅方向比較；如果房門沿客廳一邊，就唔宜將整段牆視為可放梳化嘅位置。薄身電視櫃同輕巧茶几，值得連同座深一齊試配。
揀之前諗一諗：Bellagio可比較圓潤扶手與座面坐感；房門開啟、餐椅拉出與電動伸展要同時核對。
配色：柔白、淺灰木、灰藍
配搭梳化
揀佢嘅理由：密封式結構、電動頭枕及腰枕，多種電動配置。
適合需要：想兼顧圓潤造型與頭、腰承托。
闊度選項：165／180／196 cm。配置因尺寸而異，請按產品頁選項比較。
先比較產品外闊，再核對所選配置嘅深度、伸展空間同現場通道。
送貨安排：日出康城各期管理安排及搬運路線可能不同。落單前請提供期數、座數與現場量度，核對升降機、門口及轉角，再確認送貨安排、搬運方法與費用。
傳統設計需要預留後方空位，變相令客廳「縮水」。
我哋認為，每一吋都係錢，唔應該浪費。
Italo Moda 重新定義結構標準，為你賺返客廳嘅實用面積。
舊式電動梳化要離牆預留 10cm，電較先打得開。我哋改咗支架嘅結構設計，梳化完全貼牆擺放，一樣可以開盡全部電較。唔好睇少呢 10cm，佢決定咗你客廳嘅空間感。
唔係靠運氣，係靠物料科技。特製高密度編織層，令貓爪無法勾入纖維。加上全密封式機件，杜絕夾傷風險。真正令主人同毛孩都安心。
揀啱款式、尺寸同物料，加入購物車就可以網上落單。有訂造或送貨問題？落單前 WhatsApp 我哋幫你確認。
未決定款式都可以問。提供預算、可用牆身闊度同最重視嘅需要，我哋幫你比較兩三款；有心水再到店試坐。
本頁更新：2026-09-17。梳化規格及即時售價請按本頁各型號產品頁嘅所選配置核對；單位實用面積並非客廳面積。
未必。不同期數、座數及室號嘅入口、房門、廚房和露台位置都可能有分別。應按自己戶型及現場格局核對。
先核對兩邊家具連同主要通道嘅總安排，再比較梳化外闊、深度及電視櫃深度。只量其中一幅牆容易忽略伸展與走動位置。
將露台門開啟方式、窗簾、日常出入及清潔位置一併考慮，再測試梳化收起和完全伸展後嘅路線。
要量完整可用牆身及房門開啟範圍，不能只看單位房數或全屋面積。選定產品配置後，再用完整外闊與深度核對。
檢查大門、廚房門及餐椅拉出後是否互相影響，亦要留意鞋櫃或其他收納櫃嘅開門範圍。
不能。後方要求要按款式確認，前方腳踏、茶几及通道仍然要預留；尺寸與日常用法都需要一併比較。
未必。請向所屬管理處確認時段及搬運要求，再與門市核對實際路線、產品包裝尺寸、搬運方法與費用。
來自 Italo 全店用家嘅評價，涵蓋唔同產品及購物體驗。你可以睇相片、評分同完整內容，再慢慢比較。
+1用咗一個禮拜後覺得張梳化好好坐，好舒服，好正，仲點係可以三人座位變為有貴妃位座位，布料上舒適同埋真係防抓痕，2隻唐狗喺上面玩都冇花冇事，顏色就好靚，好襯我屋企粉紅色牆，布料方面如果有狗毛話用吸塵機吸一吸就即刻乾淨晒，十分之方便 ！
兩隻唐狗喺上面玩都冇花冇事，仲配到粉紅色牆，苔蘚綠真係揀得好有品味 🐾 狗毛吸塵機一吸就乾淨，好開心 I401 幫到您。多謝咁詳細嘅分享！
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
布料好舒服，因為屋企有小朋友所以好快實測真係防水！ 坐落去軟硬適中，兩個人坐顯闊落，三個人其實都勉強坐得落呢下夠surprise! 靠背係多段式調節，床位拉上嚟晾腳睇電視好chill, cushions 又軟熟，size又剛好，最重要背位完全推平做床個陣，同電視櫃距離得返幾CM，我就覺得呢張sofa真係物超所值，好啱細廳好啱香港蝸居！
CS態度好好，師傅送貨準時，態度有禮，希望 貴公司保持水準，祝願長做長有！
小朋友即時幫您實測防水，仲有晾腳睇電視、推平做床都夠位，多謝您咁詳細分享～CS同師傅都會收到您嘅讚賞，我哋會繼續保持水準！
DUNCAN Sofabed 梳化床
+2呢張梳化隻顏色完美fit in我屋企個style。後枕同腰位仲可以調校，全家都坐得舒服。仲有埋貓爪布，梳化第一日送到主子已經表示滿意
第一日送到主子已經表示滿意，呢個認證最有份量😆 Bellagio 後枕同腰位可以調校，全家坐得舒服，我哋都好開心！多謝您分享～
Bellagio 寵物友善電動梳化
+1非常滿意新沙發，用大象灰寵物皮顏色大方得體好襯，坐位加硬左軟硬適中，連貓仔都好滿意！沙發夠長之餘，寬度可以零靠牆好慳位。
大象灰大方得體，坐位加硬後軟硬啱啱好，連貓仔都滿意 🐱 零靠牆又慳位，多謝您咁仔細分享！
Capri 簡約現代設計 頭層真皮梳化
+2超舒服既sofa
有大量儲物空間
顏色好靚
養寵物好適合 因為係防爪布 而且防水
一落單後好快就送貨上門
而且售後服務好好
儲物多、顏色靚、防爪防水啱養寵物，連送貨同售後都滿意，多謝您咁詳細分享～祝您同毛孩坐得舒舒服服 🐾
PawsLounge 寵物梳化
今次揀咗呢張灰色梳化真係好滿意，顏色簡約又易襯屋企，放喺客廳即刻感覺舒服咗好多。個size啱啱好，唔會太阻地方，但坐落又夠闊落。布料摸落柔軟舒服，連屋企兩隻貓都好鍾意成日跳上去瞓。整體實用又好睇，覺得自己揀得好啱！
好開心您揀咗雲色,簡約又易襯,客廳即刻舒服晒～兩位貓主子都蓋章認證,證明您真係揀得啱!多謝分享 🐾
Brooks 左右電動貴妃梳化
送貨師傅有禮，細心無刮花牆身同櫃。
張梳化嚟到隻顏色有驚喜，一邊望係灰灰地色，另一邊望就有啲藍色，兩種享受。
而且將梳化fit size慳位，坐位同背位較厚，坐得舒服。有埋雙電較，最緊要有埋叉電。正！
月霧色一邊睇灰、一邊睇帶藍，您形容得好貼切！送貨師傅細心冇刮花牆身同櫃，加上 fit size、雙電掣同叉電位，聽落真係好啱您屋企～多謝分享！
I301 零距離電動布藝梳化
買咗Elmo之後真係覺得自己同兩隻貓貓嘅生活質素提升咗好多！呢張梳化有超大腰枕，可以完全托住我坐嘅時候個腰，好貼心，而且靠背又可以自己調校，簡直係煲劇神器！但最正嘅係佢嘅杯架設計，擺飲品好方便，仲慳埋放茶几嘅空間，香港呢啲細單位超適合！貓貓都超鍾意喺梳化上面瞓覺，佢哋成日攤係扶手上瞓到唔願郁，因為嗰度夠柔軟。加埋梳化用料夠耐用，貓抓咗幾下都冇乜痕跡，完全可以話係貓奴必備嘅傢俬，值得推介俾所有愛寵物嘅朋友！
兩隻貓貓攤喺扶手瞓到唔願郁，您又有超大腰枕同杯架煲劇，Elmo 成為一家人嘅至愛 🐾 多謝您咁用心分享！
買咗張新梳化，用咗一個禮拜，真心覺得冇揀錯。個 size 啱啱好，唔會頂住走廊。藍色布面襯返屋企個風格，成個廳望落即刻舒服晒。門市職員好耐心，陪我試坐咗幾款，又解釋清楚清潔方法。送貨準時，師傅仲幫手拆包裝同擺位，服務抵讚！
藍色布面襯返屋企風格，size 又唔頂走廊，聽到您覺得冇揀錯真係好開心！多謝您讚門市同事同送貨師傅，我哋會轉達俾佢哋～
I305 零牆距收納梳化
真皮舒服，軟硬適中，坐位夠大款式新穎，尺寸夠位，變梳化床瞓得舒服！師傅送貨准時，服務態度夠好，總之稱心滿意
真皮坐感軟硬適中，變梳化床又瞓得舒服，I401 能夠令您「稱心滿意」，我哋好開心！多謝您讚師傅準時有禮，我哋會轉達俾佢哋～
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
+1呢張Oreo 零靠牆，好適合細單位，寵物布非常親膚舒服，亦有足夠lumbar support，係最滿意嘅傢俬之一。
零靠牆加足夠腰部承托，再配寵物布親膚舒服，Oreo 成為您最滿意嘅傢俬之一，我哋真係好榮幸～多謝劉小姐！
Oreo六電動零靠牆梳化
+1由於舊屋都係用佢地嘅沙發，覺得好舒服，所以新屋繼續揀佢地！今次揀左呢款深綠色L型沙發，尺寸啱啱好唔阻海景，而且隻色好沉穩，襯哂屋企裝修！勁鍾意個貴妃椅位！躺低睇電視好舒服～家具展購買時的服務好好，送貨都好準時，整體好滿意👍
由舊屋坐到新屋都繼續揀我哋，真係好感動！深綠色 L 型梳化唔阻海景又襯晒裝修，貴妃位躺低睇電視一流～多謝曾太一直以來嘅信任。
I303 2+L電動梳化
由選購開始，職員細心講解產品分別及分析我們預留的梳化位置比較適合哪類款式。而送貨時，兩位師傅駕輕就熟，包括上螺絲，完成安裝並擺放到指定位置，整個過程在5分鐘以內完成。十分滿意。
質地及承托力力非常好。職員亦有解釋產品採用SINOMAX。對產品非常滿意。
由揀位到兩位師傅幾分鐘內裝好擺定，整個過程順暢，同事同師傅聽到一定好開心！I401 嘅承托力得到您認同，多謝您咁詳細咁分享～
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
買呢張梳化最夾嘅係個款同屋企。米灰色布料睇落好柔，又唔易污糟，同淺木地板、白牆好夾，成個廳即刻靜咗少少。兩座位 size 啱細單位，唔會阻路，但坐落又唔窄，兩個人挨住睇電視都得。高背同圓扶手好承托，坐耐都唔會腰酸。白色毛毛墊放上去剛剛好，成張相都幾襯。
淺木地板、白牆配埋毛毛墊，您描述嘅畫面已經好舒服～I304 兩座位啱細單位又唔窄，高背圓扶手坐耐都唔腰酸。多謝分享，歡迎再影相俾我哋睇！
I304 零靠牆電動寵物布梳化
訂造的梳化無論外觀，顏色，size和功能都完全fit晒需要。寵物專用材質唔怕被貓貓破壞， 收貨第一日就坐到唔捨得離開。
外觀、顏色、尺寸同功能都完全 fit 晒需要，訂造嘅心思冇白費！寵物布唔怕貓貓搞破壞，收貨第一日就坐到唔捨得離開，聽到都開心～
I307零靠牆電動梳化
+1一直想搵一張「無需插電、簡單拉出」嘅梳化床，仲要可以變貴妃位；我哋真係找咗好耐都冇咩理想結果。之後喺呢間店見到，因為款式多，我哋比較咗好耐，最後要求店方合併兩張梳化的原設計再做少少修改。店方都好配合，亦好細心，會清楚講返各種做法嘅利弊，令我哋定到最合適嘅方案。最後我哋做咗張可以全收、亦可以簡單拉出成貴妃椅；同時拉出又可以變成一張床，而且面積較大，完全符合我哋需要。因為屋企人有坐骨神經痛，我哋仲特別要求加強支撐：加錢加硬坐墊及背位（加棉芯）提升舒適度同承托感。收到實物嗰刻真係好滿意！就是我們心目中嘅 「dream sofa + bed」。送貨及安裝的三位師傅都很有禮貌。要他們上斜路，還有樓梯級，所以都加咗$200樓梯費都算合理。
由合併兩款設計、加硬坐墊同背位，到最後收到心目中嘅「dream sofa + bed」，多謝您咁有耐性同我哋一齊度～希望屋企人坐得舒服安心，亦多謝您讚三位師傅有禮貌！
I402 梳化床幫你變出空間。唔夠位？一拉，屋企大一倍。
我哋最近買咗真皮電動梳化，真係好滿意！佢嘅頭層真皮質感好好，坐感非常舒適。電動設計，令我哋睇電視或者休息嘅時候都可以調整到最適合嘅角度。慳位設計亦都非常適合我哋香港嘅細單位。總括而言，呢張梳化真係集美觀同實用於一身，值得推薦！
頭層真皮質感、電動調角度、慳位設計，您幾句就講晒呢張梳化嘅心思～多謝陳太咁詳細推薦，祝您屋企日日坐得舒服！
+1新居入伙去Italo Moda買I401梳化，為符合大廳尺寸度身訂做一個梳化， 貴店最大優勢是梳化款式多而且可以訂做，新梳化好睇而且好舒服， 非常滿意！
新居入伙配一張度身訂做嘅素瓷色 I401，大廳尺寸啱啱好，又靚又舒服～多謝伍生，祝您入伙大吉！
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
！佢坐感硬淨，扶手扁薄又慳位，細路成日郁來郁去都唔怕搞壞咗。最令我開心嘅係佢嘅電腰枕同腳都可以隨意調節，忙完一日坐低嗰陣真係鬆晒！對於長時間抱住BB嘅我嚟講最驚喜嘅係佢嘅全真皮材質，好容易清潔，我啲兩個細路成日亂摸或者打翻食物都唔怕，抹一抹就乾淨晒。買之前仲以為會唔夠用，但而家真係越用越滿意，成個家庭都鐘意得不得了！
兩個細路亂摸打翻食物都一抹就乾淨，忙完一日坐低鬆晒，小雯媽咪辛苦晒 ❤️ 多謝您越用越滿意，祝一家人日日開心～
貓爪布梳化很舒服，尺寸剛剛好，款式也不錯，好看又實用，只是有少少瑕疵，可能運送過程造成，不過問題不大。
好開心您鍾意卡其色寵物布梳化嘅坐感同尺寸～不過收貨見到有少少瑕疵，真係好抱歉，我哋會跟進。麻煩您 WhatsApp +852 5508 5010 並附上單號，同事會優先幫您處理。
PawsLounge 寵物梳化
啲布料好舒適好順滑，梳化軟硬度好啱我，唔會太硬又唔會太軟，同埋零靠牆好慳位，已經介紹朋友買！
零靠牆設計幫您慳返位，軟硬度又啱心水，仲已經介紹埋朋友，真係多謝談太！月霧色布料順滑舒適，希望陪您好耐好耐～
I302 微距離貼牆電動梳化
+2軟硬適中，坐臥都承托力好，頭頸位的cushion墊設計很舒服，家中猫主子也喜歡，主動跳上梳化，猫抓布面料保持質素，到目前為止，家人都很滿意。
貓主子主動跳上梳化，就係最好嘅認證 🐱 頭頸位 cushion 同坐臥承托都得到您認同，貓抓布用落仲保持質素，多謝您咁仔細分享！
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
+1梳化十分好坐，很軟熟。而且拉出來的時候梳化底不會有洞，讓毛孩或玩具闖入梳化底。寵物亘專用布料也十分高質，不易刮花！整體10分滿意
拉出嚟梳化底都唔會有洞，毛孩同玩具都唔會鑽入去，呢個細節您都留意到，真係好細心！多謝您嘅 10 分滿意～
Fububu 左右電動貴妃梳化
+1梳化好舒服，成家都好鍾意👍
我家主子都好歡喜🐶
有樓梯上落勁方便
可以自己揀左邊或右邊做樓梯
梳化下面有兩個儲物櫃桶都好好用
成張梳化包括櫃桶都好重好實淨
相信用料都幾好，真心推薦👏👏
買了真的後悔，後悔買得太遲🤭
「後悔買得太遲」🤭 呢句真係令我哋笑咗！樓梯可以揀左右邊、兩個櫃桶又好用，主子同全家都鍾意，多謝您真心推薦👏
PawsLounge 寵物梳化
讚不絕口！細細架，深度得31吋半，啱晒香港人啲蝸居，尤其係我個客廳咁窄嘅情況。佢唔止慳位，功能仲一樣唔少，電動頭枕、腰枕同埋腳鉸係我每日relax必不可少嘅功能。尤其係腰枕調較得好貼身，我平時坐耐左成日開工，呢度啲支撐感真係一流。
除咗坐感舒適，我亦鍾意佢個設計，簡潔俐落又有現代感，完全提升左我個客廳嘅格調。佢提供全皮同皮+PVC選擇，我最後揀左全皮，性價比高之餘仲方便打理。
唯一我覺得可以改進嘅係電動機制啲聲音稍為大左少少，尤其喺夜晚操作個腳鉸時，可能會有啲響。
最後仲想講講個價錢，雖然佢唔算係市面上最平嘅選擇，但以佢嘅多功能性同埋用料計，CP值真係高。
31吋半深度、電動頭枕腰枕腳鉸，仲揀咗全皮，多謝您寫得咁詳細，好有參考價值～夜晚操作腳鉸聲音稍大嘅意見我哋已轉交團隊參考 😊
+1一直都想搵防貓爪梳化，睇咗好多間，一直都睇唔啱，之後上網搵咗呢間舖😛去門市睇實物 梳化好正 又舒服 又夠細 貓貓爪都唔驚！顏色係聽門市姐姐介紹！真係好靚呢隻色！強烈推介大家可以揀😍
搵咗咁耐防貓爪梳化，終於喺門市揀到心頭好，真係恭喜您😍 濃縮咖啡色係門市同事推介，見到您咁鍾意我哋都好開心！多謝您推介俾大家～
I307零靠牆電動梳化
坐上去軟硬適中，梳化背又承托到頸同頭，坐位又夠深，，物料舒適又易打理。小朋友都好喜歡坐坐睇電視。
而且梳化底部又多空間做收納，完全合乎心水，同間屋好夾。
頸頭有承托、坐位夠深，小朋友又鍾意坐住睇電視，梳化底仲有收納位，素瓷色同間屋好夾～多謝您咁詳細分享！
I305 零牆距收納梳化
坐落軟硬適中，面料好舒服，size 好fit，外型大氣，一家人都好鍾意坐，一齊躺平煲劇睇波😆😆 多謝始創門店職員的好介紹，性價比滿分!
一家人躺平煲劇睇波，雲色寵物布軟硬適中又大氣，畫面好溫馨 😆 多謝您讚始創門店同事，我哋一定會轉告佢哋！
I301 零距離電動布藝梳化
布料好舒服，size尺寸剛剛好，顏色又可以配搭自己屋企好合襯所以一分錢一分貨同埋有三個功能可以調校，自己最鍾意邊個功能最舒服去推薦俾其他人朋友親戚好友
好開心暖灰色同您屋企咁夾～電動頭枕、推腰、貴妃三樣可以自己調到最舒服,多謝您幫我哋推薦俾親戚朋友!
Brooks 左右電動貴妃梳化
最初只是從網站見到此梳化，感覺幾好，後來前往實體店，實物比圖片更歡喜，慳位，多顏色選擇，坐的空間很闊身，能儲物和電較同時擁有，送貨比預期早，真的十分推薦。
由網站睇到，再去門市見到實物更鍾意，慳位、闊身、儲物同電鉸一次擁有，送貨仲早過預期～多謝您咁大力推薦！
I305 零牆距收納梳化
上星期娘親終於收到貨喇👏🏻👏🏻大大讚賞我揀嘅呢張 Italo Moda 意大利真皮梳化 ，fit晒屋企，仲要鬼火咁靚😍，坐低睇電視舒服到訓著，有新梳化，我梗係返娘家試坐啦，真心正
娘親大讚您揀得好，坐低睇電視舒服到瞓著，返娘家試坐都咁開心 😍 多謝您分享！
好舒服，摸落去質地柔順。
尺寸又可以改到自己心水，家中狗狗D毛又吾怕痴住張沙化，清楚容易，又吾怕濕。
尺寸改到啱心水，狗狗啲毛又唔痴，打理容易，多謝您分享～秘境灰親親寵物布防水防污，日常用起嚟更安心。
DuoDaybed 梳化床
Very good couch. 5/5 love the extendable leg and storage customization. My dog also loves it - very anti - scratch material. 推介。so far it doesn’t stain and the material is holding up fine ( I’m about a week in)
可伸展腳踏加儲物，再加上狗狗都鍾意，多謝您用咗一個禮拜就嚟分享～霧青窗台生態皮陪您同狗狗嘆，歡迎日後再話我哋知用得點。
I301 零距離電動布藝梳化
+1等左兩星期，終於等到新梳化送嚟🤗布料好舒服，承托力好好，貓貓表示好中意☺️送貨員好nice 有禮，亦都配合送貨時間🧡
等咗兩星期終於迎接到苔蘚綠 Fububu，仲得到貓貓認同，辛苦等待都值得啦🧡 送貨同事有禮又配合時間，多謝您嘅讚賞～
Fububu 左右電動貴妃梳化
我最近買咗呢個Daydreamer Sofabed，真係對得住佢嘅名！最鍾意佢嘅抽拉式設計，平時係一張時尚簡約嘅梳化，想用嘅時候單手就可以拉開變成一張床，操作簡單到唔洗幾秒就搞掂，對於我哋香港呢啲細單位嘅住客嚟講真係無敵實用。仲有零靠牆設計，唔使留太多位置，對於想慳位又想有功能性傢俬嘅朋友真係首選。佢仲有特大皮幅設計，高靠背可以托住個頸，瞓落去嘅時候真係感覺好舒服，加埋全真皮嘅質感，一摸就知係好貨。CP值真係高，價錢又唔貴，完全滿足我對梳化床嘅期望，強烈推介！
單手幾秒就拉開變床，高靠背托住個頸，Daydreamer 真係對得住個名～多謝阿東咁詳細嘅強烈推介 😊
Daydreamer 隱藏式零靠牆雙人梳化床
+2我地同兩隻貓貓，都好鍾意張新梳化。又唔怕比貓貓抓花。坐落去超級舒服，仲可以調校個腰枕，頭位，真係物有所值👍
兩隻貓貓同您一齊認證新梳化，我哋好開心🐱 紅楓山道色寵物布唔怕貓貓抓，再調校埋腰枕同頭位，坐得舒服就最緊要～多謝您！
Oreo六電動零靠牆梳化
九龍灣門市Sam 非常好， 細心解說每張梳化優缺點， 從而揀咗呢一張梳化， 慳位實用， 布料非常舒服， 承托剛剛好， 值得推介
九龍灣門市 Sam 細心講解每張梳化嘅優缺點，幫您揀到慳位又實用嘅一張，我哋會將您嘅讚賞轉告佢！雲色布料坐得舒服，多謝您推介～
I301 零距離電動布藝梳化
第一次買梳化，一直沒有找到一家合自己心水的，好彩在italo Moda找到一款自己一直想要的，完全可訂製一張自己需求的梳化。梳化軟硬程度舒適，面料和顏色非常滿意!
感謝九龍灣店職員李生耐心講解和叮囑保養梳化注意事項，加上客服的貼心送貨安排，令我十分滿意itali moda 產品。
第一次買梳化就揀到可以完全訂製嘅心水款，我哋都替您開心～多謝您讚九龍灣店李生耐心講解同客服嘅送貨安排，我哋會轉達俾佢哋！
I304 零靠牆電動寵物布梳化
+1梳化床坐墊很舒服 拉開差唔多係四呎床 訓得都好舒服 同埋師傅送上門會安裝好 服務非常好
拉開差唔多四呎床咁大，瞓落都舒服，I401 一張頂兩張用～多謝您讚師傅上門安裝好，我哋會將您嘅說話轉達俾佢哋 😊
I401 慳位梳化床，幫你偷返一個客房 — 唔駛裝修、唔駛搬屋，就可以有個大空間。
準時送貨及安裝，坐落布料超級舒服同滑身，清潔好簡單，用清水就可以，隻貓貓都好中意訓係上面休息
布料滑身、清水就抹得乾淨，貓貓仲揀咗做休息位，月霧色 I301 真係人貓都啱 🐱 多謝周小姐分享，亦多謝您讚準時送貨安裝！
I301 零距離電動布藝梳化
屋苑名稱及標誌為各自擁有者之商標，本頁與該屋苑、其發展商或管理公司並無合作或從屬關係。
